Hihintayin kita.
Tulad ng pagyuko
ng mga talahib sa tag-araw
o pagsisid ng mga bulig
at hito sa ilalim ng putik
kapag tigang ang parang
at nagbibitak-bitak
ang mga pinitak.
Hihintayin kitang magising
mula sa mahabang pag-idlip
habang humihilikhilik ang hangin
sa iyong antuking paligid.
Baka sakaling
ihatid ka sa akin
ng tag-ulan.
Subscribe to:
Post Comments (Atom)
No comments:
Post a Comment