"Ipinaglaban kita," sabi mo
nang may taginting ng kabayanihan.
"Salamat," tugon ko
kahit wala naman akong kinakalaban.
Kahapon, isang kalatas
ang pumasok sa aking inbox
nagtataka ang isang kaibigan
kung bakit ko tinanggihan
ang taos-puso niyang pabuya.
"Para raw iyon sa kanya,"
paliwanag ko habang naliliwanagan
na ang ipinaglaban mo para sa akin
ay ang pagkaalipin habang iyong inaangkin
ang tunay na para sa akin.
Subscribe to:
Post Comments (Atom)
No comments:
Post a Comment