Ngayon ang pagdating
ng ating mga pangamba --
mga pileges sa noo at pisngi,
mga kulubot sa braso at leeg
mga keso de bola sa tiyan --
na tila hindi napaghandaan
sa kabila ng maraming taon
ng paghahanda sa paghinto
ng pagtibok ng puso.
Sa pagitan ng gunita at hinagap
ipupunla natin ang mga rosas
na papangarapin ng susunod
na salinlahi
habang pataba tayong
nagpapalusog sa mga pananim
kapiling ng mga uod.
Subscribe to:
Post Comments (Atom)
No comments:
Post a Comment