Monday, October 1, 2007

Balita

Nakatakip ang mga lumang
peryodiko sa balitang nakatihaya
sa kalsada, labas ang naninilaw
na talampakan, iniikutikutan ng ilang bangaw
habang walang pagitan ang pitik
ng mga kamera, kindat ng flash.

Sinubukan niyang umuwi kagabi
mag-isa, humahagok-humihikbi
sa bigat ng serbesa, gulapay
ang sariling pusong ipinalunod
sa alkohol ngunit nanatiling nakabaon
sa kanyang diwa, sa kanyang sikmura,
sa kanyang dibdib ang mga gunita
ng pamamaalam sa sintang
naglahong parang bula.

Narito ang balita
dinamitan ng mga lumang
peryodikong pambalot ng tinapa
sa gitna ng aligagang kalsada.

1 comment:

sun goddess said...

Uy! si sir Rene! He's the coolest teacher ever... he was our professor in our 3rd year summer prod. class... learned alot from him... do you know his number?